Com-pàirteachadh

Adhbhar an Rannsachaidh susbaint

Adhbhar an Rannsachaidh

Chaidh conaltradh a dhèanamh le Oilthigh na Gàidhealtachd agus nan Eilean (UHI) mar phàirt de dhealbhadh a’ phrògraim Cruth-atharrachaidh aige. Is e amas a’ chruth-atharrachaidh seo stèidheachd foghlam treas ìre nas amalaichte, nas èifeachdaiche agus nas seasmhaiche a bhunachadh a fhrithealas air a’ Ghàidhealtachd is na h-Eileanan, Moireibh is Siorrachd Pheairt.

B’ e amas a’ chonaltraidh aig UHI beachdan luchd-ùidhe a thrusadh air na tairgsean tràthail, a bhith a’ tuigsinn mar a bhathas a’ faicinn amalachadh is cruth-atharrachadh agus buaidh a thoirt air an ath ìre den obair a dh’ionnsaigh Cùis Gnothachais Iomlan (CGI).

Modh-obrach

Dhealbh UHI prògram conaltraidh le dòighean-obrach measgaichte a bha a’ toirt còmhla:

  • Suirbhidh air-loidhne (551 de fhreagairtean dligheach),
  • Buidhnean fòcais (luchd-obrach, oileanaich, gnàthaichearan),
  • Coinneamhan air-loidhne agus aghaidh ri aghaidh (20–30 de thachartasan),
  • Conaltradh neo-fhoirmeil (m.e., tro chomann nan oileanach, meadhanan sòisealta).

Eadar an 11 chom-pàirtiche aig UHI that 2,500 ball den luchd-obrach, 36,000 oileanach agus mu 50 ionad-ionnsachaidh. Anns na sgìrean air feadh na Gàidhealtachd is nan Eilean, Mhoireibh agus Shiorrachd Pheairt tha seachd ùghdarrasan ionadail agus naoi bùird slàinte, a’ toirt a-steach dà thrian na h-Alba.

Clàr 1: Profaidhl an t-sampaill

Seòrsa/àite freagairtiche Àireamh de luchd-freagairt Àireamh sa cheud de luchd-freagairt iomlan
Àireamh iomlan 551 100
Dàimh ri com-pàirteachas UHI
Oileanach 144 26
Neach-obrach 325 60
An dà chuid oileanach is neach-obrach 25 5
Eile 52 9
Com-pàirtiche UHI
UHI Earra-Ghàidheal 50 9
UHI Inbhir Nis 109 20
UHI Moireibh 45 8
UHI a Tuath, an Iar is Innse Gall 101 18
UHI Arcaibh 43 8
UHI Peairt 90 16
UHI Sealtainn 36 7
Colaiste Diadhachd na Gàidhealtachd (HTC) 3 1
Sabhal Mòr Ostaig 5 1
Comann Saidheans Mara na h-Alba (SAMS) 7 1
Air an clàradh gu dìreach le Oilthigh na Gàidhealtachd agus nan Eilean (UHI) – a’ gabhail a-steach an Ionaid Eachdraidh agus an Ionaid airson Saidheansan Slàinte Dhùthchail 6 1
Oifis Stiùiridh UHI 87 16
Gun a bhith cinnteach/Mì-chinnteach 5 1

Am measg na feadhna a ghabh pàirt san t-suirbhidh bha luchd-obrach, oileanaich, feadhainn a bha an dà chuid nan oileanaich agus nan luchd-obrach, agus luchd-ùidhe eile, is riochdachadh ann o chom-pàirtichean UHI air fad; tha profaidhl an t-sampaill air a chur a-steach an Clàr 1.

Chaidh an Diffley Partnership a choimiseanadh a dhèanamh mion-sgrùdadh air freagairtean air an t-suirbhidh agus nòtaichean le UHI o sheiseanan conaltraidh ri luchd-obrach.

Chaidh mion-sgrùdadh uimhireil a dhèanamh airson freagairtean druidte an t-suirbhidh. Bha am mion-sgrùdadh càileachdail a’ gabhail a-steach còdadh cuspaireil air na beachdan a fhuaras o sheiseanan le luchd-obrach agus mion-sgrùdadh cuspaireil a dhèanamh air toraidhean an t-suirbhidh.

Ged a tha na toraidhean diongalta, tha nàdar fosgailte an t-suirbhidh a’ fàgail gun e sampall neo-chosalachd a th’ ann agus nach gabh e coitcheannachadh ri sluagh iomlan UHI.

Seiseanan Conaltraidh ri Luchd-obrach

Sholair Diffley Partnership mion-sgrùdadh air na prìomh cheistean a thogadh ann an coinneamhan conaltraidh ri luchd-obrach a bha air an cumail le Oilthigh na Gàidhealtachd agus nan Eilean (UHI).

Am measg nam prìomh chuspairean o na seiseanan seo bha na leanas:

  • Mì-chinnt mu cho-aonaidhean: Thog luchd-obrach iomagainean mu phrionnsabalan stiùireach airson co-aonaidhean, cothromachd a thaobh fastaidh, agus leasanan a chaidh ionnsachadh o cho-aonaidhean a bh’ ann cheana, gu sònraichte UHI TIIG.
  • Cion trìd-shoilleireachd is follaiseachd: Bha mòran aig nach robh tuigse shoilleir air an t-susbaint, an ùghdarrachd, agus na pròiseasan co-dhùnaidh a thaobh na Cùise Gnothachais Iomlain (CGI).
  • Diofar bheachdan air roghainnean cruth-atharrachaidh: Chaidh soilleireachadh iarraidh a thaobh mhodailean sònraichte (Roghainnean 3, 4, 5, is 6), agus cuid a’ taobhadh ri modh uidh air n-uidh no co-mheasgaichte.
  • Iomagainean a thaobh cumhachd co-dhùnaidh: Bha e na cheist aig an luchd-obrach an toireadh com-pàirtichean nach robh sa chruth-atharrachadh buaidh air co-dhùnaidhean aig am biodh èifeachd air an lìonra air fad.
  • Leasachadh dreuchdail agus cothromachd: Bhathas gu dian ag iarraidh tuarastal is slighean àrdachaidh bun-tomhasaichte, agus taic nas fheàrr airson fàs proifeiseanta.
  • Tèarainteachd chosnaidhean agus atharrachaidhean ann an dreuchdan: Bha e gu mòr am follais gun robh cur às do dh’obraichean is co-dhlùthachadh dhreuchdan a’ cur eagal air daoine, cho math ri ceistean mu oibreachadh air astar agus rèiteachaidhean liubhairt ionadail.
  • Teirmichean is cumhaichean: Chuir luchd-obrach an cèill an imcheist a bh’ orra mu bhuaidhean a dh’fhaodadh a bhith ann air cùmhnantan fastaidh, peinnseanan agus frèamaichean barganachaidh nàiseanta a’ gabhail a-steach nan adhbharan dorrain a th’ ann taobh a-staigh de rèiteachadh treas ìre chom-pàirteachas UHI.

Mar a Chithear Cruth-atharrachadh

UHI a’ coileanadh a’ mhisein aige: Bha barrachd is an dàrna leth den fheadhainn a thug freagairt air an t-suirbhidh ag aontachadh gu bheil UHI a’ coileanadh a’ mhisein aige a bhith a’ toirt ‘buaidh chruth-atharrachail air daoine, coimhearsnachdan agus eaconamaidh nan sgìrean aige’ agus a’ fighe a-steach nan ceithir prionnsabalan stèidheachaidh aige. Air a shon sin, bha còigeamh pàirt dhiubh ag easaontachadh (faicibh Ìomhaigh 1).

Mar fhreagairt air ceistean teacsa fosgailte air dè na leasachaidhean a bu chòir do chom-pàirteachas UHI dèanamh a choileanadh a’ mhisein aige is a sheasamh leis na prionnsabalan stèidheachaidh aige ann an dòigh nas fheàrr, bha iarrtasan a bhith ann an co-chòrdadh nas fheàrr ri feuman choimhearsnachdan agus gnìomhachais, a bhith a’ toirt seachad curaicealaman nas co-fhreagarraiche agus a bhith ag altram co-oibreachadh in-mheadhanach nas làidire.

Ìomhaigh 1: A bheil sibh ag aontachadh gu bheil com-pàirteachas UHI aig an àm seo a’ coileanadh a’ mhisein aige a bhith a’ toirt 'buaidh chruth-atharrachail air daoine, coimhearsnachdan agus eaconamaidh nan sgìrean aige' agus a’ fighe a-steach nan ceithir prionnsabalan stèidheachaidh aige? [Bunait: Luchd-obrach, An dà chuid oileanach is neach-obrach, Eile (407)]

Freagairt Àireamh sa cheud de luchd-freagairt iomlan
Ag aontachadh gu mòr 13%
Buailteach a bhith ag aontachadh 45%
Gun a bhith ag aontachadh no ag easaontachadh 20%
Buailteach a bhith ag easaontachadh 16%
Ag easaontachadh gu mòr 7%
Bar chart showing how many people agree or disagree that the UHI partnership is delivering on its mission
susbaint

Prionnsabalan riatanach airson cruth-atharrachadh: Fhuair an suirbhidh aonta làidir ris na prionnsabalan air fad a bha air an liostadh, gu sònraichte leasachadh a thoirt air na dh’fhiosraicheas oileanaich agus a bhith sgapte feadh diofar sgìrean fhathast. Fhuaras ìrean na b’ ìsle de thaic do chunntachalachd puing shingilte agus co-thaobhadh treas ìre iomlan (faicibh Ìomhaigh 2).

Ìomhaigh 2: A bheil sibh ag aontachadh gu bheil gach aon de na prionnsabalan seo airson cruth-atharrachadh a chomasachadh riatanach gus an coilean com-pàirteachas UHI am misean aige? [Bunait: Luchd-obrach, An dà chuid oileanach is neach-obrach, Eile (407)]

Prionnsabal Ag aontachadh gu mòr Buailteach a bhith ag aontachadh Gun a bhith ag aontachadh no ag easaontachadh Buailteach a bhith ag easaontachadh Ag easaontachadh gu mòr
Leasachadh a thoirt air na dh’fhiosraicheas oileanaich 72% 18% 6% 2% 2%
Leasachadh a thoirt air a’ chomas a th’ againn a bhith a’ liubhairt ionnsachadh, teagasg is rannsachadh 70% 20% 6% 2% 1%
A bhith sgapte feadh diofar sgìrean fhathast, a’ liubhairt fheuman foghlaim nan coimhearsnachdan againn 70% 20% 8% 2% 1%
Dèanamh cinnteach gum bi modh-obrach fo stiùir ionadail ann agus gun tèid comas a thoirt do choimhearsnachdan 67% 18% 9% 3% 2%
Barrachd chothroman a sholar do luchd-obrach 59% 25% 11% 3% 2%
Pròiseasan co-dhùnaidh a neartachadh tro chunntachalachd puing shingilte 39% 28% 20% 7% 6%
Dol nar buidheann buileach treas ìre anns a h-uile rud a nì sinn 35% 23% 25% 9% 8%
Bar chart showing responses to whether seven principles are necessary for the UHI partnership to achieve its mission
susbaint

Rinn luchd-obrach, an fheadhainn a bha air an seòrsachadh mar an dà chuid oileanaich is luchd-obrach agus luchd-freagairt ‘eile’ molaidhean cuideachd airson phrionnsabalan a bharrachd. Nam measg seo bha co-oibreachadh nas làidire, com-pàirteachadh choimhearsnachdan, seasmhachd, oibreachadh seang agus branndadh aonaichte.

Suidheachadh airson fàs eaconamach sna sgìrean: Chaidh faighneachd den luchd-fhreagairt ‘eile’ an robh iad ag aontachadh gu bheil com-pàirteachas UHI ann an deagh shuidheachadh a dhèanamh cinnteach gun tèid coinneachadh ris na buannachdan eaconamach is sòisealta air feadh sgìrean na Gàidhealtachd is nan Eilean, Mhoireibh agus Shiorrachd Pheairt, leithid a bhith a’ coileanadh riatanasan an eadar-ghluasaid lùtha ath-nuadhachail.

Is e caochladh bheachdan a bh’ aca, is 36% ag aontachadh agus 32% ag easaontachadh thar cheann (faicibh Ìomhaigh 3).

Ìomhaigh 3: A bheil sibh ag aontachadh gu bheil com-pàirteachas UHI ann an deagh shuidheachadh a dhèanamh cinnteach gun tèid coinneachadh ris na buannachdan eaconamach is sòisealta air feadh sgìrean na Gàidhealtachd is nan Eilean, Mhoireibh agus Shiorrachd Pheairt, leithid a bhith a’ coileanadh riatanasan an eadar-ghluasaid lùtha ath-nuadhachail? [Bunait: Eile (52)]

Freagairt Àireamh sa cheud de luchd-freagairt iomlan
Ag aontachadh gu mòr 15%
Buailteach a bhith ag aontachadh 21%
Gun a bhith ag aontachadh no ag easaontachadh 31%
Buailteach a bhith ag easaontachadh 17%
Ag easaontachadh gu mòr 15%
Chart showing whether respondents agree or not that the UHI Partnership is well-positioned to ensure economic and social benefits across the region are met
susbaint

Chaidh cothrom a thoirt an sin don luchd-fhreagairt eile a bhith a’ moladh dhòighean a b’ urrainn do chom-pàirteachas UHI an suidheachadh aige a neartachadh gus an coinnicheadh e nas fheàrr ri cothroman eaconamach mòra san sgìre, leithid an eadar-ghluasaid lùtha ath-nuadhachail. B’ e na beachdan a thug iad seachad gum bu chòir do UHI oibreachadh gus an dèan e cinnteach gum bi e a’ tairgsinn teisteanasan bointealach do dh’earrainnean, ro-innleachdan com-pàirteachaidh sgìreil a neartachadh agus ceanglaichean nas làidire a chruthachadh ri buidhnean coimhearsnachd ionadail.

Mar a Chithear Amalachadh

Prìomhachasan airson amalachadh: Dh’iarr an suirbhidh ìrean aontachaidh ri còig prìomhachasan do chom-pàirteachas UHI. Bha co-dhiù trì ceathramh den luchd-fhreagairt ag aontachadh ri gach prìomhachas, agus teagasg amalaichte agus sàr-mhathas obrachail a’ faotainn nan ìrean a b’ àirde de dh’aonta. B’ e seasmhachd àrainneachdail am prìomhachas a b’ ìsle (faicibh Ìomhaigh 4).

Ìomhaigh 4: A bheil sibh ag aontachadh gun iad seo na prìomhachasan as motha do chom-pàirteachas UHI agus e a’ gluasad a dh’ionnsaigh a bhith nas amalaichte? [Bunait: Luchd-obrach, An dà chuid oileanach is neach-obrach (353)]

Prìomhachas Ag aontachadh gu mòr Buailteach a bhith ag aontachadh Gun a bhith ag aontachadh no ag easaontachadh Buailteach a bhith ag easaontachadh Ag easaontachadh gu mòr
Teagasg, ionnsachadh agus taic gus an toirear seachad curaicealam co-cheangailte de chàileachd àrd 78% 16% 5% 1% 1%
Sàr-mhathas obrachail mar bhuidheann làn amalaichte, sheasmhach le a h-aire air daoine 61% 21% 10% 4% 4%
Iomairt is fàs, a’ cuideachadh gus am bi sinn nar stèidheachd sheasmhach a thaobh ionmhais 60% 29% 6% 3% 3%
Buaidh an rannsachaidh is an ùr-ghnàthachaidh againn a leasachadh 49% 34% 12% 3% 1%
Seasmhachd àrainneachdail 45% 34% 18% 1% 1%
Chart showing responses to whether respondents agree or not with the five priorities for the UHI Partnership
susbaint

Fhuair luchd-obrach UHI agus an fheadhainn a bha air an seòrsachadh mar an dà chuid luchd-obrach is oileanaich an cothrom a bhith a’ moladh phrìomhachasan a bharrachd. B’ e an comhairle UHI cothroman is cùrsaichean a sholar a fhreagras air feuman sgìrean ionadail, cho math ri cothroman do luchd-obrach a bhith a’ leasachadh is ag adhartachadh an cùrsaichean-obrach. Bhathas a’ mothachainn cuideachd gum bu chòir do UHI prìomhachas a dhèanamh de bhith a' leasachadh a’ chultair do luchd-obrach agus feuman oileanaich a chur aig fìor thoiseach an clàr-gnothaich.

Buannachdan amalachaidh Bha: a’ chuid a bu mhotha air fad de luchd-obrach UHI agus an fheadhainn a bha air an seòrsachadh mar an dà chuid oileanaich agus luchd-obrach den bheachd gum b’ e a bhith a’ cumail suas càileachd àrd anns na dh’fhiosraicheas oileanaich agus a bhith a’ solar fheuman choimhearsnachdan ionadail na buannachdan a bu chudromaiche a bha an lùib amalachaidh – bha 90% agus 80%, san òrdugh sin, gam meas seo a bhith fìor chudromach (faicibh Ìomhaigh 5).

Thug iad iomradh cuideachd air buannachdan a bharrachd a dh’fhaodadh a bhith an lùib com-pàirteachas nas amalaichte do luchd-obrach, a’ gabhail a-steach tèarainteachd is riarachadh nas fheàrr a thaobh chosnaidhean, guth is riochdachadh nas làidire do luchd-obrach, agus cothroman air co-oibreachadh.

Ìomhaigh 5: Mar bhall den luchd-obrach an com-pàirteachas UHI, dè cho cudromach is a tha sibh a’ meas nam buannachdan a leanas a thathar a’ tairgsinn do chom-pàirteachas nas amalaichte? [Bunait: Luchd-obrach, An dà chuid oileanach is neach-obrach (353)]

Sochair Fìor chudromach Cudromach gu ìre Gun a bhith uabhasach cudromach Gun a bhith cudromach idir
Càileachd àrd a chumail suas anns na dh’fhiosraicheas oileanaich 90% 8% 1% 1%
Dèanamh cinnteach gum bi feuman choimhearsnachdan ionadail air an solar 80% 17% 2% 1%
A bhith ag altram cultar nas fhàbharaiche 78% 20% 1% 1%
Riarachadh agus aithneachadh nas fheàrr a thaobh chosnaidhean 75% 23% 1% 1%
Cothroman air fàs agus leasachadh proifeiseanta 70% 25% 3% 1%
Co-sheasmhachd anns na dh’fhiosraicheas luchd-obrach 68% 25% 5% 2%
Èifeachdas is seasmhachd a neartachadh le bhith a’ co-dhlùthachadh stòrasan is a’ lùghdachadh dùblachadh 58% 32% 7% 4%
Chart showing how important UHI staff consider proposed benefits for a more integrated partnership
susbaint

Chaidh faighneachd cuideachd den luchd-fhreagairt ‘eile’ dè cho cudromach is a tha iad a’ meas caochladh phrìomh bhuannachdan ann a bhith a’ cumadh na buaidhe a bheir com-pàirteachas UHI nas amalaichte air coimhearsnachdan. Bha iadsan den bheachd gum b’ e sgilean so-fhastachd na b’ fheàrr a’ bhuannachd a bu chudromaiche a thigeadh an lùib amalachaidh, air a leantainn le ath-thasgadh ann an cothroman ionadail. Ge-tà, bhathas a’ meas barrachd faicsinneachd do phrìomhachasan ionadail mar fhèin-aithne chultarach is cànaineach mar bhuannachd nach robh cho cudromach (faicibh Ìomhaigh 6).

Ìomhaigh 6: Dè cho cudromach is a tha na prìomh bhuannachdan a leanas ann a bhith a’ cumadh na buaidhe a bheir com-pàirteachas UHI nas amalaichte air coimhearsnachdan? [Bunait: Eile (52)]

Sochair Fìor chudromach Cudromach gu ìre Gun a bhith uabhasach cudromach Gun a bhith cudromach idir
Sgilean so-fhastachd nas fheàrr 86% 14% 0% 0%
Ath-thasgadh ann an cothroman ionadail (mar eisimpleir, leasachadh sgilean, gnìomhachdan malairteach) 75% 21% 2% 2%
Freagairteach air feuman ionadail le puing co-thadhail shingilte airson conaltradh is com-pàirteachadh nas fheàrr 73% 19% 8% 0%
Curaicealam bointealach air a dhealbhadh gu sònraichte a rèir chothroman cosnaidh ionadail is sgìreil 65% 29% 6% 0%
A bhith a’ tomhas is a’ sanasachadh na buaidhe sho-bheanailtich a bheir UHI air leasachadh eaconamach air feadh nan sgìrean 63% 31% 6% 0%
Barrachd faicsinneachd do phrìomhachasan ionadail mar fhèin-aithne chultarach is cànaineach 44% 27% 25% 4%
Bar chart showing how important respondents think key benefits in shaping the impact of a more integrated UHI Partnership are
susbaint

Thug iad iomradh cuideachd air prìomh bhuannachdan a bharrachd ann a bhith a’ cumadh na buaidhe a bheir com-pàirteachas UHI nas amalaichte air coimhearsnachdan. Bha feadhainn a’ mothachainn gum faodadh e an co-cheangal ri luchd-ùidhe, com-pàirtichean ann an coimhearsnachdan agus coimhearsnachdan san fharsaingeachd a bhrosnachadh is a mheudachadh, agus feadhainn eile a’ faicinn chothroman air rannsachadh gnìomhaichte a bheireadh freagairt air feum choimhearsnachdan. Air an làimh eile, bha beagan luchd-freagairt a' mothachainn gu bheil na buannachdan seo ann cheana ann an cuid de na com-pàirtichean, rud a bha a’ togail cheistean mun luach a bharrachd a gheibhte tro amalachadh.

Dùbhlain amalachaidh: Tha cha mhòr trì ceathramh den luchd-obrach agus an feadhainn a tha an dà chuid nan oileanaich is nan luchd-obrach am fiughair ri mì-bhuannachdan no dùbhlain a thaobh com-pàirteachas nas amalaichte a dhèanamh (faicibh Ìomhaigh 7).

Ìomhaigh 7: A bheil sibh am fiughair ri mì-bhuannachdan no dùbhlain sam bith a thaobh com-pàirteachas nas amalaichte a dhèanamh? [Bunait: Luchd-obrach, An dà chuid oileanach is neach-obrach (360)]

Freagairt Àireamh sa cheud de luchd-freagairt iomlan
Tha 72%
Chan eil 10%
Gun a bhith cinnteach 18%
Pie chart showing whether respondents foresee any disadvantages or challenges with becoming more integrated as a partnership
susbaint

Thugadh cuireadh don luchd-fhreagairt a thagh ‘tha’ tuillidh fiosrachaidh a thoirt air na mì-bhuannachdan no na dùbhlain ris an robh iad am fiughair o bhith nas amalaichte. Chuir iad an cèill an imcheist a bh’ orra mu chur às do dhreuchdan air tàilleabh dùblachaidh, fèin-aithne is fèin-riaghladh ionadail a bhith air an call, agus daoine a bhith a’ cur an aghaidh atharrachadh cultarach is structarail. Rudan eile a bha a’ cur imcheist orra, b’ e an cron a dh’fhaodadh a bhith air a dhèanamh air na dh’fhiosraicheas oileanaich le nas lugha de thaic ionadail agus barrachd liubhairt air-loidhne, agus teirmichean is cumhaichean diofraichte do luchd-obrach.

A' bhuaidh air coimhearsnachdan: Bha cha mhòr an dàrna leth den luchd-fhreagairt a’ mothachainn gum faodadh buaidh a bhith air a toirt air coimhearsnachdan no buidhnean sònraichte leis na pròiseasan atharrachaidh (faicibh Ìomhaigh 8). Bha an cuibhreann de dhaoine a bha a’ creidsinn seo caochlaideach a rèir na dreuchd a bh’ aca, agus oileanaich gun a bhith cho buailteach a bhith ag aontachadh gu bheil coimhearsnachdan no buidhnean ann a dh’fhaodadh buaidh a bhith orra (faicibh Ìomhaigh 9).

Ìomhaigh 8: A bheil sibh den bheachd gu bheil coimhearsnachdan no buidhnean sam bith ann (leithid choimhearsnachdan eileanach) a dh’fhaodadh buaidh a bhith air a toirt orra leis a’ phròiseas atharrachaidh? [Bunait: Uile (556)]

Freagairt Àireamh sa cheud de luchd-freagairt iomlan
Tha 47%
Chan eil 9%
Gun a bhith cinnteach 45%
Bar chart showing is respondents think there are any communities or groups that could be impacted by the change process
susbaint

Ìomhaigh 9: A bheil sibh den bheachd gu bheil coimhearsnachdan no buidhnean sam bith ann (leithid choimhearsnachdan eileanach) a dh’fhaodadh buaidh a bhith air a toirt orra leis a’ phròiseas atharrachaidh? A rèir dreuchd [Bunait: Oileanaich (144), Luchd-obrach (335), An dà chuid oileanach is neach-obrach (25), Eile (52)]

Coimhearsnachd no buidheann Tha Chan eil Gun a bhith cinnteach
Eile 63% 10% 27%
An dà chuid oileanach is neach-obrach 60% 0% 40%
Luchd-obrach 56% 8% 36%
Oileanaich 18% 10% 72%
A chart showing whether respondents think there are specific communities or groups could be impacted by the change process
susbaint

Chaidh iarraidh orrasan a bha den bheachd gum faodadh buaidh a bhith air a toirt air coimhearsnachdan no buidhnean tuairisgeul a thoirt air an fheadhainn a tha iad a’ smaointeachadh a bheirear buaidh orra agus dè mar. Bha iomagain air luchd-freagairt gun toireadh am pròiseas atharrachaidh droch bhuaidhean air com-pàirtichean is coimhearsnachdan eileanach, gu sònraichte ma bhios meadhanachadh ann is ma ‘bheir’ e cothroman ionnsachaidh is trèanaidh o choimhearsnachdan eileanach. Bha iomagainean den aon seòrsa ann mun bhuaidh air com-pàirtichean dùthchail is iomallach, ged a bha feadhainn a’ faicinn gum faodadh barrachd taice a bhith ann do na sgìrean seo fo mhodail amalaichte. Chaidh iomradh a thoirt cuideachd air buaidhean a dh’fhaodadh a bhith ann a thaobh oileanaich (m.e. lùghdachadh ann an clàraidhean) agus luchd-obrach (m.e. lùghdachadh ann an àireamhan luchd-obrach).

Roghainnean Conaltraidh

Thug an luchd-freagairt iomradh air an dòigh a b’ fheàrr leotha fios is conaltradh fhaotainn mar a dh’atharraicheas com-pàirteachas UHI. B’ e naidheachdan tro post-d agus seiminearan-lìn a b’ fheàrr leotha thar cheann (80% is 45%, san òrdugh sin).

Ìomhaigh 10: Mar a dh’atharraicheas com-pàirteachas UHI, dè mar a b’ fheàrr leibh fios is conaltradh fhaotainn? (cuiribh cromag ris a h-uile gin a bhios iomchaidh) [Bunait: Uile (551)]

Seòrsa conaltraidh Àireamh sa cheud de luchd-freagairt iomlan
Naidheachdan tro phost-d 80%
Coinneamhan air-loidhne/seiminearan-lìn 45%
Làrach Sharepoint Chruth-atharrachadh UHI 35%
Naidheachdan air an làraich-lìn 26%
Tachartasan bualaidh a-steach 21%
Naidheachdan sna meadhanan sòisealta 21%
Eile (thoiribh fios dhuinn gu h-ìseal) 4%
Chart showing how respondents would prefer to be kept informed of partnership changes
susbaint

A thaobh nan roghainnean a rèir dreuchd, b’ fheàrr leis an luchd-obrach gu mòr naidheachdan tro phost-d, coinneamhan air-loidhne/seiminearan-lìn agus an làrach SharePoint. B’ fheàrr leis an fheadhainn a bha air an seòrsachadh mar an dà chuid luchd-obrach is oileanaich naidheachdan tro phost-d, is b’ fheàrr le oileanaich agus luchd-freagairt ‘eile’ naidheachdan sna meadhanan sòisealta (faicibh Ìomhaigh 11).

Ìomhaigh 11: Mar a dh’atharraicheas com-pàirteachas UHI, dè mar a b’ fheàrr leibh fios is conaltradh fhaotainn? (cuiribh cromag ris a h-uile gin a bhios iomchaidh) – A rèir dreuchd [Bunait: Luchd-obrach (330), Oileanaich (144), An dà chuid oileanach is neach-obrach (25), Eile (52)]

Seòrsa conaltraidh Luchd-obrach An dà chuid oileanach is neach-obrach Oileanaich Eile
Naidheachdan tro phost-d 84% 68% 83% 58%
Coinneamhan air-loidhne/seiminearan-lìn 62% 48% 15% 13%
Làrach Sharepoint Chruth-atharrachadh UHI 56% 44% 0% 0%
Tachartasan bualaidh a-steach (aghaidh ri aghaidh) 25% 36% 10% 17%
Naidheachdan air an làraich-lìn 22% 28% 38% 27%
Naidheachdan sna meadhanan sòisealta 14% 24% 32% 37%
Eile (thoiribh fios dhuinn gu h-ìseal) 4% 0% 2% 8%
Chart showing how respondents would prefer to be kept informed of partnership changes separated into demographic categories
susbaint

Na Dh’fhiosraicheas Oileanaich agus an Curaicealam

Na Dh’fhiosraicheas Oileanaich: Chaidh faighneachd de dh’oileanaich – a’ gabhail a-steach na feadhna a tha an dà chuid nan oileanaich is nan luchd-obrach – dè cho cudromach is a tha caochladh chùisean a thaobh na dh’fhiosraicheas iad mar oileanach a tha clàraichte ann am fear de chom-pàirtichean acadaimigeach UHI (faicibh Ìomhaigh 12). Bha barrachd tasgaidh ann an goireasan teagaisg is rannsachaidh agus càileachd air a mheas a bhith air an rud a bu chudromaiche, is gun ach beagan luchd-freagairt a’ faicinn barrachd chothroman a bhith ag ionnsachadh no a’ bruidhinn Gàidhlig mar rud fìor chudromach.

Ìomhaigh 12: Dè cho cudromach is a tha na leanas a thaobh na dh’fhiosraicheas sibh mar oileanach clàraichte ann am fear de chom-pàirtichean acadaimigeach UHI? [Bunait: Oileanaich (144), An dà chuid oileanach is neach-obrach (25)]

Factor Fìor chudromach Cudromach gu ìre Gun a bhith uabhasach cudromach Gun a bhith cudromach idir
Barrachd tasgaidh ann an goireasan teagaisg is rannsachaidh agus càileachd 73% 24% 2% 1%
Pròiseasan soilleir is earbsach, o fhiosrachadh is cur a-steach gu ceumnachadh  71% 26% 1% 2%
Cùrsaichean le slighean soilleir gu teisteanasan is dreuchdan 66% 24% 8% 2%
Conaltradh soilleir o UHI mu atharrachaidhean agus ceuman air aghaidh a thaobh eagarachaidh  59% 30% 9% 2%
Cothrom air taic a thaobh dhreuchdan is so-fhastachd 46% 35% 13% 5%
Barrachd sheirbheisean taice do dh’oileanaich (mar eisimpleir, leas, taic acadaimigeach, siostaman nas fheàrr) 41% 41% 14% 5%
Cothrom air goireasan san sgìre ionadail agaibh fhèin 37% 42% 13% 9%
Coimhearsnachd oileanaich làidir le cothroman co-luadair taobh a-muigh den t-seòmar-theagaisg 33% 36% 24% 7%
Barrachd chothroman a bhith ag ionnsachadh no a’ bruidhinn Gàidhlig 17% 18% 34% 31%
Chart showing how important respondents feel certain experiences are as an enrolled student within the UHI Partnership
susbaint

Mar fhreagairt air ceist teacsa fosgailte a’ faighneachd dè a ghabhadh leasachadh a thaobh na dh’fhiosraicheas iad gu h-acadaimigeach no mar oileanaich, dh’iarr mòran oileanaich barrachd chlasaichean is gnìomhachdan sòisealta air an àrainn. Bhathas gam faicinn seo sònraichte cudromach do dh’oileanaich ag ionnsachadh air cùrsaichean a tha air-loidhne air fad. Thog iad cuideachd feum air cothrom nas fheàrr a bhith a’ dol a dh’ionnsaigh òraidichean is luchd-teagaisg eile agus iùl nas soilleire a bhith air a thoirt seachad mu shusbaint chùrsaichean agus measaidhean.

Curaicealam is Sgilean: Bha trian (33%) den luchd-fhreagairt ‘eile’ buailteach a bhith ag aontachadh gun robh curaicealam làithreach UHI a rèir fheuman feachd-obrach ionadail agus a’ solar foghlam is trèanadh freagarrach airson chothroman cosnaidh sgìreil an-diugh agus san àm ri teachd; bha 10% ag aontachadh gu mòr. Air a shon sin, bha cuibhreann nach bu bheag a’ cur teagamhan an cèill, agus 38% ag easaontachadh thar cheann (faicibh Ìomhaigh 13).

Ìomhaigh 13: A bheil sibh ag aontachadh gu bheil curaicealam làithreach UHI a rèir fheuman feachd-obrach ionadail agus a’ solar foghlam is trèanadh freagarrach airson chothroman cosnaidh sgìreil an-diugh agus san àm ri teachd? [Bunait: Eile (52)]

Freagairt Àireamh sa cheud de luchd-freagairt iomlan
Ag easaontachadh gu mòr 17%
Buailteach a bhith ag easaontachadh 21%
Gun a bhith ag aontachadh no ag easaontachadh 19%
Buailteach a bhith ag aontachadh 33%
Ag aontachadh gu mòr 10%
Bar chart showing whether respondents agree or disagree that UHIs current curriculum aligns with local workforce needs and provides training and education suited to the region
susbaint

Chaidh iarraidh air luchd-freagairt sa chatagaraidh ‘eile’ am beachdan a phàirteachadh air mar a dh’fhaodadh com-pàirteachas UHI dèanamh nas fheàrr ann a bhith a’ dèanamh cinnteach gu bheil an curaicealam aige a rèir chothroman cosnaidh sgìreil san àm ri teachd. Am measg mholaidhean eile, chomhairlich iad UHI a bhith a’ conaltradh ri luchd-fastaidh is gnothachasan ionadail, a bhith ag ath-sgrùdadh nan cùrsaichean is na susbaint aige gu cunbhalach, agus a’ trusadh dàta air cothroman cosnaidh ri teachd agus feuman earrainnean.

Co-dhùnaidhean is Molaidhean

Tha am mion-sgrùdadh air a’ chonaltradh a’ leigeil ris caochladh sheallaidhean a tha fillte agus corra uair a’ dol an aghaidh a chèile. Tha taic ann san fharsaingeachd do mhisean UHI agus mòran de phrionnsabalan a’ chruth-atharrachaidh, ach tha iomagainean cudromach ann fhathast mu thrìd-shoilleireachd, cothromachd, agus freagairteachd ionadail.

Tha an aithisg seo a’ toirt bunait fiosrachaidh uile-chudromach airson buaidh a thoirt air an ath cheum sa phròiseas cruth-atharrachaidh agus a dhèanamh cinnteach gum bi atharrachaidhean a rèir luachan, fheuman, agus àrd-amasan choimhearsnachd eadar-mheasgte UHI.

An àm a bhith a’ dealbhadh na Cùise Gnothachais Iomlain, tha e do-sheachanta:

  • Luchd-obrach is luchd-ùidhe a bhith a’ gabhail pàirt ghnìomhach ann a bhith a’ cumadh nan tairgsean,
  • A’ bhuaidh air fèin-aithne is coimhearsnachdan ionadail a bhith air a cothromachdh gu faicilleach le amalachadh ro-innleachdail,
  • Prìomhachas a bhith air a thoirt do leasachadh dreuchdail agus cumhaichean obrach cothromach,
  • Conaltradh a bhith trìd-shoilleir, cunbhalach, agus air a fhreagarrachadh a rèir fheuman eugsamhail luchd-ùidhe.

Stèidhichte air a’ mhion-sgrùdadh a rinn sinn, is e na molaidhean againn airson conaltradh is mion-sgrùdadh a dh’ionnsaigh na Cùise Gnothachais Iomlain UHI a chumail air a’ dèanamh mar a leanas:

  • A bhith cinnteach gum bi soilleireachd ann a thaobh bhriathran cudromach a bhoineas ri planadh gnothachais agus stiùireadh atharrachaidh
  • A bhith a’ piseachadh an òrduigh anns an cuirear a-mach na stuthan a bheirear seachad agus anns an iarrar beachdan an uair sin
  • Suirbhidhean ri teachd a dhealbhadh gus am bi earrainnean le slighean treòraichte annta
  • Stòrasan gu leòr a sholar airson seiseanan conaltraidh mar phàirt de mhodh-obrach ioma-sheanaileach.